Hoije hoube muita nuoba para cuntar.
Las nuobas ampeçórun an casa mal abri la anternete para ber las nuobas de l die i cumo fago tols dies, fui a mirar ls mails i alhá tenie un a preguntar onde era la casa de piedra i outro a preguntar onde era la casa de l canzielho.
La que yá nun eisiste era onde Zé Manel mora. Quien bai de l largo de la bica de baixo para l canzielho .
L largo de la bica de baixo
La de piedra ye na rue de la calçada.
Por l MSN tamien me preguntórun, mas a esses lougo le spliquei.
Sali de casa i fui a ber melhor para mostrar als que solo bénen eiqui. Para esses mostro-bos ls retratos de cumo ye hoije i onde se puode ber la casa de piedra.
La rue de la Calçada, quien bai de San Sebastian
La casa queda al lado dreito mais ou menos al meio. Mas para berdes melhor mirai l retrato tirado de loutro lado.
Esta rue inda ten muita casa antiga i ye ua de las mais antigas de Sendin, mas tamien ya ten casas nuobas i podemos ber las dues cousas. L nuobo i l bielho.
La rue de la Calçada, quien bai de la bica
Mas pul camino inda me preguntórun mais i a esses mandei-los ir alhá. Quien anda pula rue debe de saber mirar.
Ah! Negro dito, lougo lebei la respusta:
- I yá biu hoije aquel tiu que aparece na telbison ?
- Mas que tiu ?
- Baia a saber…
- Pus tube que ir i fui assi que soube que la telbison i Guilherme Leite (era este l tiu) stubírun an Sendin a fazer ua reportage.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
