L’outor die dixe que las nuobas éran de Sendin i arredores i Fuonte Aldé ye mesmo acerquita. Hoije habie alhá l festibal a que cháman REZOSA , fui neste festibal que se fizo l purmeiro ancontro de gueiteiros de l praino.
L Hoije yá ye coincido pur muito lado i dezírun-me para ir alhá.
Fui a la tarde i stában a fazer ls jogos tradicionales.
Por las quatro de la tarde ampeçórun a assar un cochino no largo de la Associaçon.
A assar l cochino
Por la manhana matórun ls cochinos a la moda antiga. Tengo ls retratos de quaije todo, mas eiqui solo puodo poner três ou quatro i nun sei se scolhi ls melhores.
Por las seis i meia de la tarde ampeçou la cena para toda la giente.
La giente a comer
La cena fui para toda la giente de Fuote Aldé i para ls de fuora que aparcírun. You tamien aporbeitei.
Depuis de la cena tocórun ls gueiteiros i dançórun las pessonas.
Ls gueiteiros de las Asturias
Las pessonas a dançar
L festibal stubo mui animado i dançórun tamien ls pauliteiros. Tenie muito que screbir, mas l site de Fuonte Aldé bai a poner todo. You dou solo la nuoba.
Ls pauliteiros
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
