Fui hoije mais un “derby” de l Praino, an Futebol. Cumo an todos ls “derbys”, que son jogos antre eiquipas de la mesma region, houbo muita luita. Era l jogo antre l Mirandés i Sendin . L jogo fui no “estádio municipal” an Miranda. Yá nun se ajunta tanta giente cumo antes, mas inda habie bastante giente de Miranda i Sendin.
Nestes jogos nunca se sabe quien ganha, yá que la gana de ganhar ye mais que l jeito.
L Sendin cun la bola
L jogo stube eiquelibrado i dambas las eiquipas poderien tener marcado, mas al fin de la purmeira parte l Mirandés tubo mais puntarie i acabou a ganhar por 1-0.
L Mirandés al ataque
Na segunda parte l Sendin tentou todo para ampatar.
L talho de l Sendin staba atento
La eiquipa tubo dues ou três ouportunidades de marcar un golo, mas na hora de marcar falhában. I cumo acuntece quaije siempre, quien nun marca acaba por sofrir i l Mirandés marcou mais un golo.
L Sendin inda fizo un último sfuorço
Mas l resultado fui:
Mirandés – 2
Sendin ---- 0
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
