Staba ua manhana de sol i zde ls bumbeiros bi, na rue de la Trindade, l campo de treino de ls cabalhos i stában alhá a treinar.
Cumo inda nun tenie falado desso, fui-me a ber i falei cul home que andaba a treinar l cabalho.
L cabalheiro
Dixo-me que pensaba fazer ua scula para ansinar la arte de ir d’ acabalho.
L treino era para l cabalho daprender bárias posiçones i passos que ten que fazer nas peciçones. Nas fiestas de l Berano bai muitas bezes a las prociçones.
A fazer la reberencia
Tamien bai a las bezes cun l coche als casamentos.
Mostrou-me tamien outros passos i posiçones que l cabalho fazie i que bai treinando para quando abrir la scula.
Ua linda posiçon
Outra cousa que cuido que ye amportante, ye que el tamien faç de ferrador. Yá ban acabando ls ferradores ne l Praino i Sendin, que siempre tubo ferradores que íban por esses lugares afuora, cuntina a mantener esse oufício.
Que rico par
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa
