Las palabras bólan i lieba-las l aire, dízen, mas nun ye berdade zde que haba quien las scuite. I se fúren scritas cuntinarán cientos d’anhos siempre spiertas a la spera que haba un que las leia.
Por esso ye defícel screbir todos ls dies. I inda mais quando se scribe nua léngua que poucos conhécen, mas muitos quieren daprender.
Sendin
Al fazer las nuobas de l Hoije tengo que ancuntrar subre l que screbir i cumo screbir. Por esso agradeço a todos ls que téngan dúbidas que me las póngan. L que fur d’eimendar, eimendo. Yá nun ye la purmeira beç que me dízen para eimendar. L SAL ten un porsor que stá siempre atento i inda bien.
Mas nun ye solo subre las palabras que las pessonas me scríben i fálan, ye tamien de ls retratos i de las nuobas.
Quien stá loinje quier saber melhor las cousas i ye para un que me screbiu de l Brasil, que l pongo l retrato de cumo ye hoije l sitio de la casa de Zé Manel (nuoba de l die 5).
Onde stába la casa ne l Canzielho
La outra nun ye la de la rue de l Canzielho, ye la de l largo, la de la rue ye la que pongo hoije. Çculpai por nun screbir mais, mas manhana ye outro die.
La casa quaije eigual, mas na rue de l Canzielho
