Ls cumpanheiros de la matáncia, cumo bénen fazendo yá alguns anhos por l Natal, mátan l cochino i fázen la matáncia. Este anho l comer fui no Sagrado i ampeçou por la manhana i cuntinou por todo l die.
Giente a comer nun faltou
Ampeçou-se por comer presunto de l cochino de l’anho passado i apuis de matar l cochino fúrun ls garrotes i a seguir, era assar i comer. Mas un ou dous presuntos tenerán que quedar para l desaiuno de l anho que ben.
Yá pouca giente chamusca l cochino, mas eilhes fazírun-lo cumo d’atrás.
L cochino a ser chamuscado. La jinela tamien staba alhá.
Por la tarde no campo de la bola, ls mardomos de la fiesta de Santa Bárbara tenien tamien ua atibidade, que yá bai sendo uso fazer-se algues bezes ne l anho – l paintball - .
Ls porparatibos para l jogo
Este jogo ye a modos que ua guerra, mas an beç de balas, úsan-se uas pequeinhas bolas que, al bater nun, sfarrápan-se i tínhen.
L jogo
L campo de la bola sírbe para muita atibidade i inda bien. Ye la pega de buis por la Páscua, l paintball , l futebo l, l futsal i até yá fazírun alhá cuncertos.
Bamos sendo cada beç menos, mas Sendin inda bibe.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa
