Nua altura an que se dan prendas, pouca giente se lembra de dar un libro. Cuido que serie ua buona prenda i tenendo nós libros screbidos por sendineses, mais rezon haberá.
I anton se fúren screbidos na nuossa léngua, porquei nun l fazer cun mais alegrie?
Para ls que nun sáben houbo ua adenda a la cumbençon i ye por esso que you scribo, na bariadade sendinesa, dezindo-lo ne l fin de las nuobas.
Fala home, nun tengas bergonha
Esta saquei-la de l blog www.cicuiro.blogspot.com .
Nuobas tamien son las que dan a coincer l que hai subre la nuossa léngua i subre ls sendineses.
I esta citaçon saquei-la de l blog www.frolesmirandesas.blogspot.com .
Citaçon
“To las cousas yá fúrun dezidas, mas, cumo naide scuita, ye perciso tornar siempre a ampeçar.”
André Guide
Un de ls nuossos libros an sendinés
L purmeiro berso deste libro:
Dius me deia furça i gana
Par’ambersar cun jeito
La stória nunca amentada
Daqueilha Tirra sagrada
Que traio simpre no peito
Este ye tamien d’un sendinés
L purmeiro berso tamien:
Hai ua tierra sin sítio
Cun marcos que dízen – stou aqui!
Adonde las raízes fondas aguántan ls dies de pelubrino
I las pacedeiras assóman cun gana de sorber l mundo anteiro;
Hai ua tierra que mos fizo
I de tantos caminos que ambentemos
I de tantos dies i suonhos cun que la laboriemos
Yá nun sabemos adonde queda.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
