Lougo por la manhana, ls mardomos de la fogueira de l galho andórun nun afango para traer la leinha para la fogueira.
Dantes era culs carros de mulas, hoije ye culs tratores, mas la animaçon ye la mesma.
Este anho la Câmara parece que le dou la leinha de uns choupos, que tubírun que cortar para fazéren l arranjo de l riu fresno. Mas ye ua leinha mui berde i mala de arder, bamos a ber lougo a la nuite cumo será la fogueira.
Ls porparatibos
Depuis de la leinha ampusta, por las seis de la tarde, l mardomo mais bielho acende la fogueira.
La leinha pronta na fogueira
La giente bai-se arrimando até a la hora de la cena i ls mardomos ban fazendo l peditório para las çpesas.
La gaita yá toca
La fiesta ye apuis de la missa de l galho i nun bai a faltar de comer.
La fogueira
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
