L die de Natal an Sendin nun ye solo un die de las familhas de cada un, ye tamien l die de la familha sendinesa i por la tarde muitos sendineses se ajúntan para buber un copo i para comer ls doces de l Natal i fruitos secos.
Scribe-se de todo, mas hai cousas que son tan ou mais amportantes i que son tamien tradiçones que hai que guardar.
La proba de bino nua adega
Mas ye tamien tradiçon todos ls anhos, zde l 25 de Abril, ir a la Grabiela, sendineses de todos ls partidos i eideologies a comer las rabanadas i falar un pouco de todo.
Todos cuntentos i animados
Ye un die an que se çcute de todo, sin rábia i cun toda la liberdade. La amisade, i ser-se sendinés, por nacencia ou buntade de ser, ye l mais amportante.
Este anho nun se fizo l ramo i l die fui mesmo solo para la familha.
Al anuitacer, la fogueira iba quedando sola.
La fogueira
De l Natal, íban quedando las luzes na eigreija a lembrar que mais un Natal chegaba al fin.
La eigreija
La cena speraba por todos, ampeçaba a chubisnar, iba por la rue de Camino Prado abaixo i mirei para trás, nun podie cuntinar sin tirar l último retrato, l Sagrado deseaba-mos Buonas Fiestas. Até pal anho se Dius quejir.
Esta ye para la familha sendinesa
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
