Die dous de febreiro era die de guarda an toda la tierra de Miranda, hoije yá solo l guárdan an Atanor i cuido que an Zenizio i Cércio.
Era l die de Nuossa Senhora de las candeias, an Atanor, ou Senhora de las alporcas. Mas la eigreija comemora l die de la Apresentaçon de l Senhor (candelária) i lougo por la manhana se fazie la percion de las belas. Cun la falta que hai de padres, faç-se la bençon de las belas a la hora de la missa i la percion ne l fin.
La bençon de las belas, an Atanor
An Atanor faç-se la percion i la missa, cun Nossa Senhora de la Purficaçon ou Senhora de las alporcas. Este nome, ye por cousa de que se tenie fé que Nossa Senhora curaba esta malina. Las alporcas, tamien éran coincidas por mal de la scrofula. You solo sei que era ua malina de ls ganglios de l cachaço.
Nuossa Senhora de la Purficaçon
Las pessonas lebaban ua fita branca, que era passada por las manos i l cuolho de Nuossa Senhora, para la traéren apuis durante un cierto tiempo, para curárenen de la malina.
La salida de la percion de la eigreija
Inda hoije hai muita deboçon ne ls três purmeiros dies de Febreiro i que la eigreija amponie dantes, de modo que la giente de l Praino dezie:
«Primeiro, aiunarás.
Segundo guardarás.
Terceiro Senhor San Brás.
La giente que inda se ajuntou na percion
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
