Por todo l lado se fázen menumentos para houmenagear algo ou para mostrar la hablidade de alguien. Hai-los mui lindos i que dá gusto ber, mas la mais de las bezes nun mos damos cuonta de que la natureza ls faç sien ancomenda.
Hoije lembrei-me de bos mostrar três que bien poderien star nun largo ou jardin de la bila.
Ua maçcarilha
Quando andamos pul termo ancuntramos muita cousa, que se poderie aporbeitar para las pessonas iren alhá a ber ou traer-las para séren bistas i alindáren un sitio de la nuossa tierra. Tenemos l’eisemplo de l 2, an Miranda.
Nun parece la cabeça d’un cochino
Mas nun son solo las que se aparécen a qualquiera cousa, mas tamien las sculturas abstratas, que la natureza sabe fazer tan bien i que por todo l termo se puoden apreciar.
Quando tanto se fala an turismo, yá bai sendo tiempo de mostrar la natureza, que la agricultura acabou de beç.
Ua scultura
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
