Mais ua tarde de futebol de l Çtrital de la A.F.B., desta beç an Benhais. Fui pena l bento que fui muito durante todo l jogo, mas mais na purmeira parte.
L Benhais jogando la purmeira parte a fabor de l bento marcou dous golos. Fui la eiquipa mais fuorte, mas todos sperában para ber contra l bento cumo serie.
L Sendin a la defensia
Na segunda parte todo se passou al cuntrairo, l Sendin passou a jogar melhor i marcou un golo. Mas l Benhais nun querie perder i passou a guardar bien la sue baliza.
L Sendin a jogar mais ne l campo de l Benhais
L árbito stubo bien i l jogo fui agradáble de seguir i ls jogadores portórun-se bien. Quando assi ye l çporto bal la pena. L Sendin perdiu ye cierto, mas cada un manda an sue casa.
Benhais – 2
Sendin – 1
L Sendin fizo todo para ampatar
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
