Staba mirando uns retratos i ancuntrei muitos que serie anteressante mostrar. Hai muita giente que ls ten tamien i hai quien tenga ls de ls outros i ls guarde sien se saber para quei.
Ls de cada un, son deilhes i naide ten nada a ber cun esso, mas ls que guárdan de ls outros debien poner-los al serbício de todos.
L purmeiro stou you alhá i bien cuntento stou de me ber quando tenie por ende 21 anhos.
La percion de l folar desse tiempo
Mirai a ber se coinceis mais alguien. L segundo ye tamien de ua percion i pus-lo, an special para “Pear “ (el sabe quien ye), pediu-me para achar un retrato de la abó, mas cumo inda nun l achei, pongo hoije un onde stá l abô.
Coinceis alguien?
Antes la feira era ne l Sagrado i bendi-se de todo, mirai bien para las casas de l Sagrado i que hoije yá nun eisísten. Este retrato ye para ls sendineses que stan pul mundo afuora i que yá muitos anhos nun bénen. Era buono que ls nuobos mostrássen este retrato als mais bielhos.
La feira ne l Sagrado
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
