Muito habie que screbir subre las casicas que hai por todo l termo de Sendin. Mas nun ye eiqui que l bou a fazer, yá que tengo pouco spácio. You sei que yá muito se screbiu tamien subre eilhas, mas hai muitos modos de las ber. Tamien hai muitos modos de las mostrar, mas l melhor modo ye fazer cun que las pessonas las béian ne l sou sitio.
Esta queda acerca de la oulibeira bernabei
Mas hoije l que bos querie mostrar, ye cumo se puode fazer para traer turista i mesmo para nós las podermos ber mais cerquita. Mirai l que fazírun nua aldé de l’outro lado de l riu.
Un parque dessas casicas
La mostra de un castro
Turismo ye tamien esto, aporbeitar l muito que tenemos i cun eimaginaçon criar cousas que quéden bien. Mas de que sirbe tener eideias, se quien las puode poner an prática nun tubir la sensiblidade i la gana de l fazer?
Un pormenor de l parque
Bamos a ber se somos capazes de fazer algo. Nun pormeto nada, mas que bamos a tentar bamos.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
