Ye berdade que la nuossa léngua ten muitas, muitas palabras. Assi i todo, hai uas que son las mais amportantes para ampeçar a daprender.
Cumo sei que muita giente lei l HOIJE i alguns nun sáben bien la nuossa léngua, lembrei-me, de beç an quando, poner alguas dessas palabras cun ls zeinhos, que mirando para eilhes, eireis çcubrindo melhor cumo se cháman la cousas.
La sala i la cozina
Mas la rezon de la nuoba d’hoije ye para responder a alguas pessonas que me ténen preguntado se an Sendin tamien houbo algun castro, parcido cun l que mostrei die 16 i se inda hai casas antigas que se puodan mostrar.
Houbo, mas yá pouco quedou para se mostrar, mas las casas éran redondas i parcidas cun essas. Hai ye muitas casas antigas que ye pena nun cunserbar, mas nun las puodo mostrar todas.
Ua casa terreira
Las casas terreiras serien las purmeiras, mas destas cousas you nun antendo muito i eiqui tamien nun tengo muito spácio para screbir i sei que gustais mais de ber ls retratos.
Ua casa yá cun l andar de riba
Depuis que Sendin fui crecendo fúrun fazendo rues, cun las casas apegadas uas a las outras. Inda hai alguas cumo las que stan ne l retrato a seguir.
Un cachico de ua rue
La purmeira ye ne l Baiunco, la segunda ne l Canzielho i la terceira na Calçada.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
