TALHAS - 0
Mais ua tarde de futebol an Sendin i la nuossa eiquipa ganhou por 1-0.
Fui ua tarde frie i an que durante l jogo nun parou de zmerujar, mas esso nun fizo cun que l jogo nun fusse animado. L Sendin ampeçou bien i poderie tener lougo marcado un ou dous golos yá que atacaba cun gana.
L Sendin a atacar por las alas
Todo staba a correr normal, se nó quando, un jogador de l Sendin fizo ua falta mais dura, talbeç por l campo star molhado, mas l arbitro spulsou l nuosso jogador. L Sendin nun deixou de cuntinar a ser la melhor eiquipa. L modo de jogar ye que demudou. L Sendin passou a jogar an contra-ataque.
L Sendin a lançar un contra-ataque
Cumo nun poderie deixar de acuntecer, l golo aparciu i l Sendin fizo 1-0. Staba yá na segunda parte de l jogo i até l fin inda poderie tener marcado mais un ou dous golos.
Un libre peligroso contra l Talhas
Cun esta bitória, l Sendin ten todas las cundiçones para quedar antre ls melhores.
L Sendin al ataque
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
