La maior parte de las bezes nun mos damos cuonta de l que hai por onde passamos i que a las bezes ten tanto que cuntar.
Yá todos bimos a las squineiras de las rues uas piedras, que mais parécen marcos.
Este ye na rue de Santo Cristo
Estas piedras éran puostas, para eibitar que ls carros de bacas ou de mulas díssen cabo de las paredes i tamien para que, l eixe de ls carros nun batisse na squina de las casas, l que poderie ser malo, nun solo para ls animales cumo para l carro.
Este ye na rue de Camino Prado
L que bou a poner a seguir ye para bos fazer mirar a ber se l achais. Ye un modo de bos fazer mirar para las cousas.
???
Puode parecer que esto ye un modo de screbir algue cousa, mas nun ye, todo ten un santido(sentido) i tenemos que ir fazendo la nuossa stória, cun la ajuda de todos ls que quejíren.
Quereis ber cumo tengo rezon?
Quando tiraba ls retratos diç-me ua tie:
- Agora tamien tira retratos a las squineiras?
- Si i cun ua antençon. I spliquei-le l que éran las piedras.
- Anton baia a tirar l retrato a la piedra de la capielha de San Paulo.
- Yá l tirei, ye la piedra de l meio de l arco de la capielha.
- Ua jinela de la capielha stá a fazer de boca de un forno, tamien yá sabie?
L piedra de l arco
Este testo stá screbido cun l- an ampeço de palabra, a la moda de l mirandés de Sendin, cunsante la 1ª. Adenda a la Cumbençon Ourtográfica de la Lhéngua Mirandesa.
