Onte preguntaba-bos onde tirei l retrato, muitos acertórun i tamien houbo quien acrecentásse mais anformaçones subre las piedras, cumo Amadeu Ferreira, que dixo que série amportante poner l nome. Agradeço a todos ls que scríben, an special a Amadeu que siempre stá atento, porque assi l Hoije ten mais balor. La giente antigamente chamában-le rodarruodras , porque era para las ruodras nun roçáren nas casas i se mirardes, son arredondadas, para la ruodra dar melhor la buolta.
La outra piedra ye na antrada de l curral de Antonho Einácio.
Este ye un meio de tresporte que bi hoije no Porto
Al ber que inda hai meios de tresporte destes no Porto, fizo-me screbir subre esto.
L carro de mulas fui un de ls meios mais amportantes para la eiquenomie de Sendin. Quien nun se lembra de ser assi?
Ls mais nuobos yá nun saberán mui bien, mas inda bos lembrais de carros cumo l que inda anda por las rues de l Porto.
L retrato parece mesmo tirado an Sendin
Mesmo ne l Porto, ls sendineses que acá stan i son muitos, gústan de falar destas cousas i beio que, cada beç mais, hai quien querga saber l mirandês ( you tengo l cuidado de screbir a la moda de Sendin, de acordo cun la adenda a la cumbençon). Por esso pergúntan cumo se dízen an mirandês muitas palabras, ende teneis mais uas poucas para daprender.
Ls tresportes I
Estes retratos son tirados de l libro “Las mies purmeiras palabras an mirandês”. Nestas cousas de la léngua hai algues çfrencias i you nun serei l mais antendido, mas ten que se fazer un Anstituto de la Léngua Mirandesa , para nun haber grandes çfrencias antre ls que scríben. Hai algues palabras cun que you nun cuncordo, mas quien sou you nesto de la léngua?
Ls tresportes II
Este testo stá screbido cun l- an ampeço de palabra, a la moda de l mirandés de Sendin, cunsante la 1ª. Adenda a la Cumbençon Ourtográfica de la Lhéngua Mirandesa.
