REBORDELO – 5
SENDIM - 0
Sendin: Louçano, Ivo, Adolfo, Gancho, David, Moises, Cavaleiro, Infesta, Dinis, Manuel, Darcio.
Jogórun inda: Carlos, Papa, Hugo
Árbito: Henrique Rodrigues (Bragança)
L Rebordelo recebiu i ganhou al Sendin, na sesta jornada de l Campeonato de la Debisão de Honra de la A.F.B., pur uns sclarecedores cinco a zero.
Las eiquipas antrórun an campo cun muita buntade de ganhar l jogo, dambas lutában muito pula bola i dambas criában peligro nas balizas cuntrárias.
L’ampercípio de l jogo
Estaba a ser un jogo eiquelibrado, quando l Rebordelo cunsigue l sou purmeiro golo cun la marcaçon de um libre, nuã jogada que mos pareciu studada, chegando al golo cun solo trés toques na bola.
L Rebordelo festeija l purmeiro golo
La eiquipa de l Sendin acusou este golo, talbeç pula pouca eidade de la maiorie de ls sous jogadores i l Rebordelo fui crecendo, chegando al anterbalo cun uns eisagerados trés golos de abanço.
Las dues eiquipas lutában por l resultado
Na segunda parte l Sendin antrou cun outra atitude, mas la eiquipa de la casa aumentou la bantaige nuã einorme anflecidade de l guarda-redes de ls besitantes. Biu-se nesta altura que ls jogadores de l Sendin zanimórun cumpletamente e dende até al fin l Rebordelo acabou por cuntrolar i aumentar la bantaige.
L Rebordelo fui feliç
De notar que ls jogadores locales perdírun la cabeça yá acerca de l fin, mesmo cun la bantaige que tenien, acabando por ber dous de ls sous jogadores séren spulsos anfantilmente i sin se antender, yá que son jogadores federados.
L Sendin todo fizo,, mas nada salie bien
L árbito stubo mui bien, i se nun fura este znorte final de l Rebordelo,, tenerie passado zapercebido.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
