Cada beç bai habendo mais giente que s’amporta cun la defensia de l’ambiente i cun las culturas tradicionales i ls pordutos biológicos. Tamien porqui yá se faç muito por la mostra de ls pordutos naturales i la agricultura biológica.
Las semientes
Pordutos naturales
La associaçon “Colher para Semear” fizo durante mais de un anho, por todo l Praino, la reculha de semientes i un trabalho subre las culturas tradicionales, que acabou cun uã mostra de todo, na casa de la cultura, an Sendin.
La sposiçon
Bardeiros
Manhana i passado bai a fazer-se un ancontro de giente de todas las partes de Pertual i mesmo de outros paízes que, ou son begetarianos, ou cunsumidores de pordutos biológicos, ou defensores de l’ambiente. Son speradas mais de quatrocientas pessonas, porque cumo fui perciso fazer anscriçones para las bárias atibidades, todo andica esso.
La semiente de lino
La semiente de chícharos de ls mais antigos que se conhécen
Todo esto solo fui possible porque la Junta i alguns sendineses partecípórun durante l anho cun ls respunsábles por la reculha de las semientes i la mostra de ls pordutos. Sendin cuntina a ser la capital de las arribas i quaisque se puode dezir, de l Praino, mas cun ls que fázen i trabálhan por esso.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
