La rue que bai zde l camino de Ruolos até a las Eiras de l Cemaque, stá abierta l que bai a facelitar l tranzito para la parte Ponente de Sendin, a camenhones i carreiras, yá que por la rue de Camino de las Binhas era defícele.
La rue bista de l camino de Ruolos
La rue de l meio para riba
La rue queda cun 10m i bai tamien a tornar mais baliosa la tierra de ls Alhales, de la Junta de Freguesie, que puode fazer bários lotes para costruçon de casas. Todo fui possible porque ls duonhos de las tierras fazírun acordo cun la Junta de Freguesie.
L camino de Ruolos a la antrada de la rue
L camino de Ruolos tamien bai a quedar mais ancho, facelitando l acesso a la ETAR i al lagar de azeite. Solo se piede als duonhos de las tierras que pégan cul camino de Ruolos, que déixen alargar tamien l camino, porque todos acában por ganhar.
La eiquipa de Ramiro Cecílio a fazer las paredes
Todas las obras stan sujeitas a criticas i esta tamien nun bai a scapar, mas las a las bezes fázen-se cumo ye possible i nó cumo queremos. Neste caso houbo que aporbeitar l possible.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
