Ye este un grupo musical de sendineses que se formou an 19 de Júlio de 2000, ampeçando por ser un trio i passando mais tarde al que ye hoije. Falo-bos del porque grabou l último albun “L teçtemunho” i de que yá oubistes falar ou bistes ne l Sal. Para ls que gústan de la nuossa música ye un albun a nun perder.
Lenga-lenga ( L teçtemunho)
Lenga Lenga - un grupo cun las ouriges na tradiçon de la cultura de las tierras de Miranda, zde las pessonas, trajes, léngua i musica! Todos eilhes percúran fazer la passaige de l teçtemunho de ls sous antepassados cun sous cantares, danças mistas i de pouliteiros.
L trio i cantadeiras
Ls oujetibos de l grupo son zambuolber la musica mirandesa studada, recolhir i criar nuobos temas tradicionales, ancentibando assi l gusto pula gaita de foles mirandesa, fraita pastoril, canti(g)as de la segada, de ls cardadores, de las fiandeiras, de ls serones, rimances i de las danças de ls pouliteiros.
L grupo nua atuaçon
Este grupo ten atuado por bárias tierras de Pertual i de l stranjeiro. Este anho ten yá bárias atuaçones marcadas, mas quien quejir saber mais de l grupo ye percurar ne ls sítios que bos deixo:
http://www.lengalenga.net/
http://www.myspace.com/lengalengagaiteirodesendim
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
