Palaçuolo ye ua de las tierras alredor de Sendin que mais ten porgredido, quier porque la sue giente ye amprendedora, quier porque la sue Junta de Freguesie ten sabido trabalhar cun la câmara para zambuolber la aldé.
Onde era la feira nace ua rue
Las fábricas de pipos i las de las facas son un eisemplo de todo esso, mas tamien hai muitos artesanos que trabálhan la madeira i l fierro cumo berdadeiros artistas, que tórnan la sue aldé coincida por todo lado.
La nuoba ourbanizaçon
Mas la ambora de hoije ye para bos amostrar l que la Junta de Freguesie stá a fazer ne l campo adonde se fazíen las feiras. Cumo hai bastante giente a trabalhar nas fábricas i para que las pessonas se quéden na Palaçuolo, la Junta ourbanizou l campo de la feira, para poner terrenos para costruçion de casas a la desposiçon de ls nuobos casales.
La auga i l saneamento yá stan
L percipal yá stá feito, que son las infrastruturas, las rues ban a quedar prontas debrebe. Son estas einiciatibas que fázen andar las nuossas aldés.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
