Hai 40 anhos, a 16 de Júlio de 1969, ampeçaba ua de las maiores biaiges de l'houmanidade: l'oujetibo era chegar a la Luna. De cabo Kennedy, na Florida, partiu la misson Apolo XI, lebando trés homes que quedórun pa la stória: Neil Armstrong, Edwin Aldrin i Michael Collines. Coube la Armstrong l purmeiro passo stórico de l Home na Luna, i la célebre frase "Un pequeinho passo para un home, un grande passo pa la Houmanidade ".
La tierra bista de la luna
L Die de l Amigo fui criado pul argentino Anrique Ernesto Febbraro, anspirado na chegada de l'home a la luna ne l die 20 de Júlio de 1969! L'eideia naciu porque Anrique achou que la chegada até la luna simbolizaba ua ouportunidade de fazer nuobos amigos an outras partes de l planeta, para para alhá de la cunquista cientifica.
Amigos chégan a la luna (Ivan Novikov)
L prossimo fin de semana ye l “7º. Festibal l Burro i l Gueiteiro” que bai a tener bárias atibidades ne ls cunceilhos de Bomioso i Miranda i que bai a fazer parte de porgrama “ Linha Mestra” de que faç tamien parte l festibal Antercéltico de Sendin.
L cartaç de l festibal
Ye tamien neste fin de semana l ajuntouro de las motas an Sendin. Inda nun tenemos l cartaç para poner eiqui, mas lougo que mos l mánden yá l poneremos.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
