Traduçon de la Bíblia a la mano
Domingos Augusto Ferreira de 62 anhos de eidade, natural de San Martino i a bibir na Zenízio resolbiu passar ls sous tiempos libres a traduzir la Bíblia.
Durante anhos rescrebiu, na léngua materna, la Sagrada Scritura. Hoje, quando la lei, diç que nun se cansa.
http://www.mensageironoticias.pt/noticia/1924
Retrato de la Bíblia (Ana Preto-Mensageiro de Bregáncia)
Este anho faç dieç anhos l Festibal Antercéltico de Sendin i ye amportante dezir que ye ua de las maiores atibidades musicales i culturales que se fázen na sendin. Fazer ua fiesta ou ua atibidade donde na onde nada custa, mas fazer-la cuntinadamente ye ua cousa de ademirar, por esso l HOIJE deixa eiqui un bien haias – Mário Correia .
L cartaç de l Festibal
L camboio eilétrico yá anda por las rues de Miranda de l Douro i ye ua de las cousas buonas que se fizo pul turismo, na Miranda de l Douro, ye que muita giente, mesmo mirandeses, nun conhécen la cidade porque nun bejítan las partes mais anti(g)as. Hai essa possiblidade agora, para muita giente l fazer, mesmo ls que yá nun púoden andar mui bien.
L camboio
Cumo ye eilétrico, inda ten la bantaige de nun poluir l ambiente, para ampeçar serie buono que la câmara lebasse ls mais bielhos a fazer la biaige i apuis, al ampeçar l anho scolar, lebar ls mais pequeinhos. Tener las cousas ye buono, mas poner-las al serbício de ls que mais precísan inda ye melhor.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
