Sendin aparece siempre bien representado na todos ls acuntecimientos que se fázen ne l Praino porque tem de todo i las pessonas gústan de partecipar i amostráren la sue tierra. Fui l artesanato cun las melhores artesanas de l Praino, an fatos para ls ranchos i pouliteiros, assi cumo de capas d’honras i ouras pieças de roupa, colchas i tapetes.
Ls nuossos binos que fúrun mui apreciados
Jorge Gabriel quijo tirar un retrato cun la einóloga
Nun bamos eiqui a amostrar todos ls sendineses que stubírun ne l programa porque ls podereis ber nas retrasmissones de la telbison i outros yá ls bírun na direto, mas para alhá de l artesanato, la posta mirandesa, ls binos, ls licores i la musica, tamien muita giente fui a ber.
Pormenor de la capa d’honras premiada
Jorge Gabriel i Serenela Andrade cun las pouliteiricas
Ua pieça que tamien stubo ne l Berano-Total fui la capa que ganhou un prémio nacional de artesanato. L que esta capa ten de special son ls motibos que la anféitan, que son ls coraçones i las silbas, rezon porque amostramos l pormenor de la capa para berdes bien. Ne l festibal yá podereis ber i yá falaremos melhor deilha i de l prémio.
La giente era muita
L folclore tamien stubo presente, ls pouliteiros, pouliteiras i pouliteiricas de Miranda i l rancho de danças mistas tamien de la cidade animórun la fiesta asi cumo muitos artistas cumo Toy, Ana Malhoa, José Reza…
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
