Ampeça manhana l festibal L Burro i l Gueiteiro que se bai a fazer antre ls dies 25 i 31 de Júlio cun atibidades ne ls cunceilhos de Miranda i Bomioso de que farán parte las oufecinas subre bariadas cousas i an que poderán partecipar ls que se anscrebíren. Las atibidades serán nas aldés de Atanor, Fuonte Aldé, Uba i Bila Chana de la Ribeira de ls cunceilhos de Miranda i Bomioso.
La oufecina de danças mistas
La oufecina de danças galhegas
Mas tamien haberá dança para todos
Este festibal eitinerante de cultura tradecional tem las sues raízes nas musicas de ls gueiteiros, que datrás éran ls animadores de las fiestas de las bárias aldés i que era a cabalho nun burro ou burra, que la maior parte de las bezes íban de uas tierras para las outras.
La caminada de burro
Ls pouliteiros
Para lembrar la caminada que ls gueiteiros tenien que fazer, antre las aldés i porque hai la AEPGA (Associaçon Proteçon de ls Burros), l festibal ten cumo ua de las sues atibidades, ua caminada puls caminos anti(g)os an que ls caminantes ban acumpanhados por ls gueiteiros, que apuis tócan para ls pauliteiros dançáren.
Ls jogos tradecionales
L burro-paper
Ls cuncertos a la nuite
Tamien haberá jogos tradecionales i un burro-paper, mas ls cuncertos cun las bandas de musica folk i folk-rock por la nuite son l que mais aníman ls moços i moças. Para mais anformaçones ide als sítios: www.aepga.pt i www.galandum.co.pt onde bos podereis anscrebir.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
