Mais ua atibidade de las nuossas associaçones i inda hai quien ande siempre a dezir que nun hai nada, que stamos ne l marasmo. Ls sendineses que stan na direçon de la associaçon de las motas bien dében de ser felcitados, porque bien trabálhan para que Sendin seia ua tierra coincida i que ajunta todos ls anhos dezenas de “motards”.
La ourganizaçon ye eisemplar
Apuis de la porparaçon de la berdadeira fiesta, cun ls parapientes a dar la buolta a Sendin i cun alguns “motards” a fazer las apersentaçones de las sues motas, a la nuite fui la berdadeira fiesta i l cuncerto cun la banda sendinesa Triangulo i la yá tradecional sesson de stripetease ne l sitio de la piscina onde l comer i l bober nun faltórun.
L sitio de l cuncerto
Sendin yá bai tenendo ls sítios para fazer las bárias fiestas, mas hai siempre cousas nuobas para fazer i reparaçones que son neçairas, cumo las rues de la piscina, mas nun se puode fazer todo de ua beç, inda que seia l que todos quereriemos.
Ls parapientes sboleixában
Fui un Sábado de fiesta i l HOIJE alhá stubo para bos amostrar cumo fui, mas la bida de un jornalista ye mui cumplicada inda mais quando ls partidos yá ándan perdidos de la cabeça cun las eileiçones, mas l HOIJE ye “INDEPENDENTE”.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
