AMBORAS - Rota de la Tierra Frie
Feito l calantriç de l turista que besita la Tierra Frie :
Cul oujetibo de “melhorar la geston antegrada desta rota turística na region, drento dua parcerie público-pribada” la Associaçon de Municípios de la Tierra Frie Stransmuntana (Bergáncia, Miranda de l Douro, Mogadouro, Bumioso i Binhales) fizo un studo para saber qual l calantriç de l turista de la Rota de la Tierra Frie Stransmuntana.
Sendin (retrato de la rota )
Algoso (retrato de la rota)
Segundo ls resultados de l studo, la maiorie de l turistas bén de la Region de Lisboua i Bal de l Teijo i de l Grande Porto, ten eidade média de 42 anhos, son subretodo casales. Nobenta i un por ciento biajou por i besitaba esta region pula purmeira beç. La maiorie de l turistas son licenciados ó ténen l'ansino secundairo. La stadie média ye de 2,6 dies i ls gastos diários cun alojamento son anferiores a 40 ouros.
.jpg)
Cozinha regional
Por die, an cumpras i comida, l besitante gasta, an média, antre 30 a 50 euros. Las percipales rezones que tráen ls turistas a la region son, an purmeiro lugar la Naturaleza. Siguen-se la gastronomie, l património, la cultura i las aldés típicas. Antre ls produtos que ls turistas mais refrencian para cumprar son l fumeiro i l'artesanato.
La rota de la Tierra Frie
Cinquenta i uito por ciento de ls anquiridos conhecie l porjeto Rota de la Tierra Frie , atrabeç d'amigos familiares i de la Anterneta. L'eimaige giral de la region ye, pa la maiorie, positiba ó mui positiba.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
