Por todo lado las associaçones fázen bibir las sues tierras i mesmo las mais pequeinhas cumo Teixeira, quando ls moços i moças son chamados a partecipar ou son eilhes ls que mándan, todo cuorre bien, ye la mocidade que ten que star ne ls sítios ciertos para Pertual ir para lantre.
La associaçon
Mas para que estas cousas fússen possibles fui porque se criórun cundiçones i nun adelantra querer cerrar ls uolhos a la realidade, son associaçones libres que moblízan la giente. Hoije, Teixeira tenien mais giente que nien un die de feira d’anho, era la mocidade de l Praino que se ajuntou para mais un eibento çportibo.
La mesa de cuntrolo de ls jogos
Manhana bai a ser Sendin cun ua einiciatiba tamien de ls moços i moças que tomórun cunta de l Grupo Çportibo. Ye ua tarde de cumbibio i alegrie, mas l melhor ye irdes a ber. Quien bai a ganhar la bitela? Apuis yá bos amostraremos cumo fui.
Ls jogos
La fuonte de Teixeira
Neste torneio de FUTSAL de Teixeira partecípan 8 eiquipas de las aldés alredor de Sendin. L campo queda nun sitio agradáble i mesmo junto de la Associaçon , mas l que bos quiero amostrar ye la fuonte eigual a la nuossa fuonte de l lugar, mas mais pequeinha i que quedou bien amanhanda fazendo parte de l cunjunto de l parque çportibo i de la Associaçon.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
