Ne l Museu Nacional de l Traje, an 1977, l Museu de Etnologie fizo ua sposiçon de trajes populares i para alhá de la sposiçon de muitos trajes de Pertual anteiro i de artimanhos cun que se fazíen, tamien fúrun spuostos muitos retratos de pessonas de las bárias regiones, bestidas cun trajes antigos.
L sarilho i ua tie a ansarilhar la meada – Tierra de Miranda
(retrato de Jorge Dias)
Nessa sposiçon habie muita cousa de l nuosso cunceilho i de quaije todas las aldés. Todas essas pieças de roupa son hoije, cuidamos nós, de l museu i alhá las podereis ber, mas un die bos falaremos deilhas i de adonde fúrun cumpradas ou recolhidas.
Ties de San Martino cun l manto de burel
(retrato de Benjamim Pereira)
Tiu cun la capa de Honras
(retrato tirado na Miranda)
Gostarie de falar mais subre la sposiçon i ls trajes, mas l HOIJE para eibitar que haba pessonas, que solo agora se dórun cunta que eisiste, béngan a aporbeitar ua ou outra frase que se puoda usar para males antendidos, zde agora i até acabáren las eileiçones, deixaremos de fazer comentários.
Un grupo de giente na Lhuç
(retrato de Benjamim Pereira)
Fazer l HOIJE bai para mais de 720 dies seguidos i arranjar todos ls dies que poner, nun ye fácele, muitas bezes hai que botar mano de l que aparece, un libro, ua lhona, un retrato. L HOIJE nun ten nada a ber cun eileiçones, por esso bamos a fazer l possible para nun haber mal antendidos, mas cuntinar bai a cuntinar, ne l SAL.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
