La Direçon Regional de la Cultura de l Norte (DRCN) i l Museu de la Bila Bielha de Bila Rial, bai a tornar a ampeçar a fazer, ne l die 12 de Setembro, pelas 17h30, las “Cunbersas na Bila Bielha”, desta beç l cumbidado será Amadeu Ferreira, jurista, porsor cumbidado na Ounibersidade Nuoba de Lisboua i bice-presidente de l Cunseilho Diretibo da Comisson de l Mercado de Balores Mobiliários, que al miesmo tiempo se dedica a la scrita, ambestigaçon, traduçon i stória de la segunda léngua oufecial an Pertual, l mirandés.
Bila Rial
La costruçon de l Tunel de l Marão stá a abançar quatro metros por die, en cada ua de las quatro bocas, mas l oujetibo ye chegar als cinco metros por die. La strada liga Amarante a Bila Rial i bai star pronta en 2012.
Marão
Inda que cun menos animales que ls outros anhos, la Feira de ls Burros de l Azinhoso ye yá un cartaç turístico de l cunceilho de Mogadouro. La feira, que se fizo ne l fin-de-semana passado, ajuntou cerca de meia centena de animales i tubo bariadas atibidades que terminórun cul almuorço cumbíbio.
La feira
Manhana ye la fiesta de l Naso, ua de las maiores de l Praino, mas que irá a star marcada por la politica, yá que ls partidos ban a aporbeitar para se amostráren i pedíren ls botos de ls mirandeses.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
