«Ye perciso proteger ua léngua minoritária cumo se protege un ser Houmano», estas son palabras de Phelippe Barbry, l Cónsul Giral de Fráncia, ne l Porto i l respunsable pula traduçon an mirandés dua de las obras mais amblemáticas de l mundo, «Pequeinho Príncepe» de Antoine de Saint Supéry.
Depuis de coincer i se apaixonar por Miranda de l Douro, este respunsable de l Goberno Francés decidiu colaborar cula dibulgaçon de la segunda léngua oufecial de Pertual.
Para esso cuntou cula ajuda de ls mirandeses Ana Fonso i Demingos Raposo que traduzíran l purmeiro eisemplar de l “Pequeinho Príncepe”.
La apresentaçon na Câmara de Miranda
Ana Fonso diç ”este fui un zafio que nun podie recusar”, pus segundo la mesma ”ye perciso dibulgar cada beç mais l mirandés i para esso nada melhor que la terceira obra literária mais bendida ne l mundo pa l fazer”.
La tradutora diç inda qu'anque este eisemplar seia inda un protótipo, depuis d'eisecutado, “spera que seia ua mais-balie nas scuolas”.
“Un ourgulho i ua surpresa agradable”
Pa la bereadora de la cultura de la cámara mirandesa, Anabela Torron, esta “ye mais ua ouportunidade para lebar la lhéngua als quatros cantos de l mundo”.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
