Tiu Moreira ye un home que siempre stubo pronto a colaborar cun las atibidades culturales i cun l HOIJE , mas la eidade yá ye muita i cada beç ten menos fuorça para mos ajudar. Este bideo ten yá un anho, mas ye amportante poner-lo eiqui, porque yá bendiu la burra i será defícele grabar outro sfregante cumo este.
Cumo ne l bideo de onte podeis apreciar l modo cumo l mirandés i l pertués stan presentes na cumbersa. Ye ua cousa mui anteressante ber cumo ls mirandeses fálan an pertués para ls stranhos, fala na tábua, mas lougo de seguida diç trabica. Son estas cousas que son amportantes para ls studiosos de l mirandés i de la léngua.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
