Bai a star an Bergáncia durante uns dies ua sposiçon subre cumo daprender matemática. Ye ua sposiçon mui amportante yá que ten muitos modos de anteressar ls alunos a gustar de la matemática i de cumo daprendé-la cun mais facelidade. L bideo damos ua amostra de la sposiçon.
Serie anteressante que la nuossa scuola la podisse traer acá, mas bai a ser algo deficele, mas talbeç la nuoba bereadora de la cultura de l cunceilho faga modos de ls nuossos alunos la íren a ber. L HOIJE deseia-le un buono mandato i que nun se squeça tamien de la nuossa léngua.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
