PARA QUANDO AN MIRANDÉS?
Bamos ponendo ls bideos de las amboras que la telbison local ( LOCALVISÃO ) mos bai amostrando zde Trás-ls-Montes, mas inda nun perdimos la spráncia de las tenermos an mirandés, mas a cada die que passa mais defícele se torna. Ls partidos quíren todo para eilhes, l poder acima de todo, mas nada ye eiterno nin puode todo.
Muitas bezes i quando mos antressa, citamos frases de scritores ou de pessonas coincidas i a mi lembrou-se-me neste sfregante i porque ye tamien de l'anteresse de l mirandés, ua frase atribuída a Jasus Cristo –a Dius l que ye de Dius i a César l que ye de César- pus you acopio –A la politica l que ye de la politica al mirandés l que l pertenece- .
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
