La bida ye chena de sfregantes buonos i malos, mas que poucas bezes tenemos modo de ls registrar i tanto uns cumo outros tráen siempre ansinamentos de bida i ye pena nun ls registrarmos. Mas porque quedaba muitas bezes cun pena de nun l fazer, ye que la máquina de tirar retratos anda siempre comi(g)o. Serie por ende mei die, quando dou cun dous cordeiricos acabados de nacer i la mai que, toda cuntenta, pacie cumo se fusse l maior manjar que comie na sue bida.
Nun podie perder estes minutos tan marabelhosos, que son ls purmeiros de dues nuobas bidas i de l amor que ua mai sinte puls sous pequeinhos acabados de nacer. Mas para quei screbir mais? Será que l bideo nun diç todo?
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
