Sobrino Teixeira, persidente de l IPB, dixo hoije, na cerimónia d'assinatura de protocolos cula Cámara Municipal de Mogadouro para la rializaçon de Cursos de Specializaçon Tequenológica, nesta bila de l Praino Mirandés, que l zambolbimiento passa pula qualificaçon de ls strasmuntanos. L'oujetibo de l Politécnico ye stender a to la region este tipo de cursos i, para que tal acunteça, reconhece que l IPB percisa de tomar l'eniciatiba.
IPB
Ls CET’s dan bida a las localidades adonde stan a ser amplementados. Mas para que tal seia ua realidade i cumo Sobrino Teixeira diç, l modelo para catibar alunos debe ser eidéntico al de las licenciaturas i mestrados - “Para cunseguirmos esso, tenendo an cunta la demografie de la region, hai que aplicar a este nible l que stamos a fazer al nible de las licenciaturas i de ls mestrados, ó seia, traer alunos de fuora de la region”.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
