Stamos ne l tiempo de ls roques i cun las nuobas que ten habido subre eilhes, tanto de las feiras cumo de l negócio, muita giente ampeçou a fazer-se antendido ou negociante deilhes i toca de ir por ende a apanhar-los sien pensáren ne l peligro que ye esso. Yá bamos an cinco muortes pul paiç i alguas outras pessonas hospitalizadas. Este bideo ye amportante para berdes l cuidado i la sabedorie que hai que tener para se podéren apanhar ls roques.
To ls dies hai pessonas que nada sáben de roques i que ls apánhan a buolto. Hai que tener atento nestas cousas para eibitar males mais grandes. La associaçon “la pantorra” ten sabido fazer la dibulgaçon de ls roques i inda de l sou studo para bien de todos. Mogadouro cumo capital de ls roques tubo ua semana dedicada a eilhes, mas tamien houbo atibidades culturales i este bideo acaba de la melhor maneira, cun ua canti(g)a que bos acunselhamos a oubir.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
