L HOIJE yá eiqui falou sube la gripe A mais que ua beç i ten dado las amboras de l que se passa, mas cun la chegada de l’Eimbierno l porblema bai a ser pior i nunca son demais ls abisos que se fágan. Porque pensamos que ye amportante l bideo subre la einiciatiba de l “Bragança shopping” i de l “Centro de Saúde de Bragança” eiqui bos l deixamos para que, ls que tols dies béien l HOIJE, téngan mais eata anformaçon.
Que esta ambora puoda serbir tamien para alertar las Juntas de Freguesie de l Praino i ls Agrupamientos de Scuolas para que, cun ls Centros de Salude de Sendin i Miranda, púodan fazer sessones destas por todas las aldés. Sabemos cumo las pessonas de l Praino son pouco dadas a la bacinaçon sien que téngan la debida anformaçon i mesmo las pessonas de risco nun stan motibadas, sabemos de pessonas de risco que nin sáben se hai bacinas para eilhas.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
