L çtrital de futebol de la A.F .de Bergáncia stá este anho mais animado porque hai mais eiquelibrio antre las eiquipas i puode mesmo dezir-se que nun hai un candidato único a la subida de debison. L Sendin parece ua eiquipa bien ourientada i bai a fazer un campeonato buono. Stamos a fazer todo para ampeçar a filmar ls jogos de l Sendin, até agora solo son filmados ls jogos que la eiquioa de la LOCALVISÃO scuolhe i este fin de sumana scolhiu l jogo antre l Argoselo i l Poiares , talbeç porque l Argoselo se assumiu cumo candidato a la subida, mas cumo deziemos al precípio esso nun ye inda cierto.
Cumo podeis ber pul bideo, na parte de baixo stan ls resultados de ls jogos de l çtrital i l Sendin ganhou an Miranda al Mirandés por 1-0 . Fui un jogo bien jogado i cun muita animaçon, cumo ben sendo hábito, nun se tratasse de un dérbi de l Praino. Para sendineses i mirandeses, ganhar estes jogos ye ganhar la época. L treinador de l sendin ye sendinés i hai tamien bastantes nacidos an Sendin na eiquipa, cousa que yá muito nun acuntecie, solo falta que ls sendineses déien mais ajuda al clube, para pensarmos an ser campeones de nuobo.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
