Jorge Gomes bai assumir outra beç l cargo de gobernador cebil de l çtrito de Bergáncia. L nome de l socialista fui andicado na sumana passada an Cunseilho de Menistros i la tomada de posse stá marcada para hoije, an Lisboua.
Jorge Gomes renunciou al mandato a poucos meses de las eileiçones outárquicas, para cuncorrer, pula segunda beç, cumo cabeça de lista, a la persidéncia de la cámara de Bergáncia. L PS saliu de las eileiçones derrotado, cun ua botaçon de 27,56 por ciento, eilegendo dous bereadores. Na tomada de posse de ls uorganes outárquicos, Jorge Gomes assumiu l lugar de bereador, mas admite agora renunciar al cargo por ancumpatiblidade de funçones.
“Para mi fui ua honra tener sido gobernador cebil tal cumo ye agora ser outra beç cumbidado” afirma. “Ye senhal que poderei tener tenido un zampenho razonable i bou assumir l cargo cun to l'ampenho, lutando siempre puls antresses de la region”.
Tamien para nós ls sendineses ye ua honra tener-lo cumo gobernador cebil, porque fui
I sabemos que ye un ami(g)o de Sendin i podemos teçtemunhar que cumpriu antes l cargo mui bien. L HOIJE cumo la maiorie de ls sendineses stan cun el i deséian-le un bun mandato.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
