Quien fui l Abade Baçal? Ye ua pregunta que se hoube ne l bideo que bos amostro hoije. Todos deberiemos ler ls libros deste padre, porque fui un de ls maiores scritores de l çtrito i se nunca se dedicou muito a la léngua mirandesa, nun fui por nun saber ou nun querer, mas porque, cumo muitas bezes oubi l Pe. Mourinho dezir, a quien el deixou cumo sou seguidor, que deixaba l mirandés a sou ancarregue assi cumo la stória de Sendin.
Mas ne ls sous libros fala muitas bezes an sendin i inda hoije las refréncias stóricas subre Sendin, ténen cumo fuonte ls sous scritos.
Queda outra pregunta: Onde stan ls scritos subre Sendin, que el deixou al Pe. Mourinho i ls que este tenie?
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
