Hoije comemora-se l Die Anternacional pa la Eileminaçon de la Bioléncia subre la Mulhier. Zde l'ampeço de l'anho yá morrírun an Pertual 26 mulhieres. L númaro de pessonas bítimas de bioléncia doméstica que ténen pedido apoio als médicos de famílhia, que depuis son ancaminados pa las eiquipas de l núcleo de bioléncia doméstica de ls centros de salude, ten benido a crecer. En Bregáncia fizo-se ua açon para alertar las pessonas para este porblema.
Ye preciso fazer cun que las pessonas séian cada beç mais sensibles a este porblema, para las lebar a lutar contra la bioléncia doméstica, nun tenendo miedo de denunciar todos ls causos de que téngan coincimiento. Sabemos bien l quanto deficele ye fazer-lo, mas tenemos que fazer un sfuorço por todos se queremos un mundo melhor.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
