Quien nun ten perro caça cun gato diç l pobo, pus yá ye bien bielho l dito, mas ye esso que nós fazemos la mais de las bezes. Muitos de ls nuossos pauliteiros i de ls nuossos cantadores i cantadeiras nun ténen quien ls amostre i muito menos quien faga grabaçones i un ancentibo ye siempre amportante. L HOIJE nun ten grandes meios mas bai fazendo l que puode para ls amostrar.
Este bideo ye ua grabaçon de un sfregante de l'almuorço de la CEGTAD, an Bregabcia i que grabemos. Ye Anita a cantar acumpanhada pul drº. Xavier que ye l presidente de la pantorra i que ye un berdadeiro artista a silbar. Fui pena Anita agarrar l micro solo para eilha i mal se oube silbar, mas dá para ber cumo ye possible fazer cousas lindas. Eilha nun l fizo por mal. J
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
