Mais un modo de apresentar las amboras i assi bamos pocurando çcubrir l melhor modo de poner a falar i anteressar las pessonas pul HOIJE i al miesmo tiempo pul mirandês. Puode parecer rudo l modo de apresentar las cousas, mas la nuossa léngua fui siempre un modo rudo de falar, tal cumo l pobo que la gurdou cumo un tisouro.
L HOIJE ye un tisouro para muito sendinés que anda pul mundo i para quien ua eimage de Sendin ou ua palabrica bálen muito. Dezie-me hai dous dies un sendinés que bibe loinje de Sendin: todos ls dies bou a ber i se hai un die que nun puodo, bou apuis a ber todos ls dies atrasados. Ber l Hoije ye cumo ler l jornal todos ls dies ye un ritual, nun puode parar.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
