Subre la canti(g)a de ls reis que onte screbi, dezírun-mos que hai outros bersos aparecidos noutras regiones, ye probáble, yá que quando ls cantábamos ne l percipio de ls anhos 50 yá ampeçába a haber barragistas porqui, mas serie amportante saber se hai giente mais bielha que ls saba. Gustaba era de saber se hai quien saba la musica cumo nós, para ber se ye todo eigual. Yá cantemos an muito coro i ansaiemos muitos tamien i sabemos screbir musica, mas nun somos ls sabidos de la tierra.
Este ye mais un bideo de l cantar de ls reis de l grupo de Miranda, nós grabemos bárias canciones i podeis oubir-las ne l sapo – vídeos – Almendra . Pongo esta eiqui porque mos pedírun para poner mais alguas canti(g)as de ls reis, mas bamos a poner mais ne l sapo i yá las podereis oubir alhi. L HOIJE ten que ir acumpanhando las amboras de l die i nin siempre son reis.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
