L die stubo de Sol i fumos a filmar las arribas para bos amostrar l termo de Sendin nun die de Ambierno. Quando todo mundo fala an friu i an tiempo de chuba, hai que amostrar que inda bibimos nun termo onde se poderie star bien, mas hai quien pense mais ne l sou bien star, que ne l de todos i nun dá para antender porque hai tanta giente a passar trabalhos. Que anteletuales tenemos nós? Que políticos mos gobérnan?
Mas dezie-me soutor die un sendinés, mas l que ye bibir bien? L que ye l melhor? Cada un ye que sabe l que ye melhor para el. Nada mais cierto, mas para nós ye un cuntentamiento bibir eiqui i cuidamos que debemos amostrar-lo para que outros, cumo nós, púodan tamien aporbeitar l que la nuossa tierra ten de buono.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
