Die 10 de Janeiro de 2010 fui un die de niebe i l Hoije quijo amostrar-bos cumo fui, para relhembrar este die i tamien para poderdes ber que Sendin ye mesmo ua bila nuoba i adonde muito se fizo, pena que muita giente nun querga ber. Mesmo l HOIJE ye cunsiderado por alguns, nó cumo ua cousa buona de Sendin mas algo que debe acabar. De que ténen miedo, de perder ls caldeirones adonde fártan las sues barri(g)as?
Para mos acumpanhar na filmaige, nada melhor que la musica tradicional mirandesa, tamien bale la pena oubir l “passacalhes”.
Nun fazemos esto por denheiro, nin cun denheiros de todos. Zde eiqui mandamos ua mensaige a la bereadora de la cultura, de la câmara de Miranda de l Douro, que nun faga ua politica de cumpadres, cumo yá acunteciu antes i que nun deixe mandar a quien nun quier nada cun la cultura i que solo quier promober-se ou promober ls ami(g)os.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
