Quando se fala an retratos pensamos an retratos de pessonas, mas cun las nuobas tecnologies yá se puode retratar todo i cada beç cun mais culidade i nós queremos que todos téngan la possiblidade de ber Sendin retratado de modo a que todos púodan ber-lo de bárias maneiras. Sabemos tamien que alguns de ls que bénen al HOIJE , gústan mais de retratos que de bideos, por esso ponemos hoije três retratos de l termo de Sendin, que amóstran l pobo zde loinje.
Bisto de l cabeço de l Rincadeiro
Bisto de las Çades
Bisto de l Cabeço de las Çades
Hoije houbo uas abiertas i cumo parou de chober, apareciu l Sol i assi yá se podie ber l pobo de loinje, mas ten stado un tiempo de Ambierno, nun faltando la chuba i la niebe l que nun ye de spantar. Se nun chuobe neste tiempo quando ye que queremos que chuoba? You bien sei que hai quien nun guste de chuba porque ganha la bida a la selombra i querie dies de Sol para passear, mas ténen que aguantar porque todo faç falta.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
